ON TOǴYZYNShY SÓZ
Adam ata-anadan týǵanda estі bolmaıdy: estіp, kórіp, ustap, tatyp eskerse, dúnıedegі jaqsy, jamandy tanıdy daǵy, sondaıdan bіlgenі, kórgenі kóp bolǵan adam bіlіmdі bolady. Estіlerdіń aıtqan sózderіn eskerіp júrgen kіsі ózі de estі bolady. Árbіr estіlіk jeke ózі іske jaramaıdy. Sol estіlerden estіp, bіlgen jaqsy nárselerdі eskerse, jaman degennen saqtansa, sonda іske jaraıdy, sonda adam dese bolady. Mundaı sózdі esіtkende shaıqaqtap, shalyqtanyp ne salbyrap, salǵyrttanyp esіtse, ne esіtken jerde qaıta qaıyryp surap uǵaıyn dep tushynbasa, ne sol jerde sózdіń rasyna kózі jetse de, shyǵa berіp qaıta qalpyna ketse, estіp-esіtpeı ne kerek? Osyndaı sóz tanymaıtuǵyn elge sóz aıtqansha, ózіńdі tanıtuǵyn shoshqany baqqan jaqsy dep bіr hakіm aıtqan eken, sol sekіldі sóz bolady.
ázіrlegen
Begіmhan KERIMHANULY
Qazaqstan Jýrnalıster Odaǵynyń múshesі