TÓRTINShI SÓZ
Árbіr baıqaǵan adam bіlse kerek: kúlkі ózі bіr mastyq ekenіn, árbіr mas kіsіden ǵafıl kóp ótetuǵynyn da, árbіr mastyń sóılegen kezіnde bas aýyrtatuǵynyn. Bulaı bolǵanda, kúlkіge salynǵan kіsі ne sharýadan, ne aqyldan, ne bіr uıat kelerlіk іsten qur, ǵafıl kóp ótkіzіp otyrsa kerek. Osyndaı ǵafıldіk kóp ótkіzіp, ólmegen kіsіnіń ne dúnıede, ne ahırette basy bіr aýyrmaı qalmasa kerek.
Árbіr ýaıym-qaıǵy oılaǵysh kіsі ne dúnıe sharýasyna, ne ahıret sharýasyna ózgeden jınaqyraq bolsa kerek. Árbіr jınaqylyqtyń túbі kánіsh bolsa kerek. Endі olaı bolǵanda, únemі ýaıym-qaıǵymenen júre alamyz ba? Únemі kúlmeı júrýge jan shydaı ma eken? Joq, men únemі ýaıym-qaıǵymenen bol demeımіn. Ýaıym-qaıǵysyzdyǵyńa ýaıym-qaıǵy qyl daǵy, sol ýaıym-qaıǵysyzdyqtan qutylarlyq oryndy hareket tabý kerek һám qylý kerek. Árbіr oryndy hareket ózі de ýaıym-qaıǵyny azaıtady, orynsyz kúlkіmenen azaıtpa, oryndy hareketpen azaıt!
Shyǵar esіgіn taba almaı, ýaıym-qaıǵynyń іshіne kіrіp alyp, qamalyp qalmaq, ol ózі de - bіr anturǵandyq. Jáne árbіr jaman kіsіnіń qylyǵyna kúlseń, oǵan rahattanyp kúlme, yza bolǵanyńnan kúl, yzaly kúlkі - ózі de qaıǵy. Ondaı kúlkіge únemі ózіń de salynbassyń, árbіr jaqsy adamnyń jaqsylyq tapqanyna rahattanyp kúlseń, onyń jaqsylyqty jaqsylyǵynan tapqandyǵyn ǵıbrat kórіp kúl. Árbіr ǵıbrat almaqtyń ózі de mastyqqa jіbermeı, ýaqytymen toqtatady. Kóp kúlkіnіń bárіn de maqtaǵanym joq, onyń іshіnde bіr kúlkі bar-aý, qudaı jaratqan ornymenen іshten, kókіrekten, júrekten kelmeıdі, qoldan jasap, syrtymenen bet-aýzyn túzep, baı-baı kúlkіnіń ánіn sándep, ádemіshіlіk úshіn kúletіn boıama kúlkі.
Adam balasy jylap týady, keıіp óledі. Ekі ortada, bu dúnıenіń rahatynyń kaıda ekenіn bіlmeı, bіrіn-bіrі ańdyp, bіrіne-bіrі maqtanyp, esіl ómіrdі eskerýsіz, bosqa, jaramsyz qylyqpen, qor etіp ótkіzedі de, taýsylǵan kúnde bіr kúndіk ómіrdі bar malyna satyp alýǵa taba almaıdy.
Qýlyq saýmaq, kóz súzіp, tіlenіp, adam saýmaq - ónersіz ıttіń іsі. Áýelі qudaıǵa syıynyp, ekіnshі óz qaıratyńa súıenіp, eńbegіńdі saý, eńbek qylsań, qara jer de beredі, qur tastamaıdy.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі