18. «Бітіруші» ДБ-ны қалыптастыру

89. «Бітіруші» ДБ қалыптастыру мынадай тәртіппен жүзеге асырылады:

1)                ҰТО әзірлеген «Бітіруші» АЖО ҰБТ ӨП-те орнатылады және ҰБТ ӨП спецификасы бойынша күйге келтіріледі;

2)                 мектеп әкімшілігі мектептің техникалық хатшысын тағайындайды;

3)                ҰБТ ӨП жетекшісі техникалық хатшыны ҰБТ-ның технологиясы, Жалпы орта білім беру ұйымдарындағы оқушылардың үлгерімін ағымдағы бақылау, оларды аралық және қорытынды аттестаттаудың үлгі ережесі бойынша оқытады;

4)                ҰБТ ӨП жетекшісі техникалық хатшыға ҰБТ-ның нормативтік, нұсқамалық және анықтамалық құжаттарды, өтініш бланкілерін және өтініштерді тіркеу журналын (бітірушілердің санына қарай) береді;

5)                мектепте өтініш бланкілерін толтыру және бітірушілерді тіркеу журналына тіркеу жүргізіледі;

6)                толтырылған өтініш бланкілерін және бітірушілерді тіркеу журналын техникалық хатшы ҰБТ ӨП-ке жеткізеді;

7)                бітірушілер туралы деректерді «Бітіруші» ДБ-ға енгізу мақсатында өтініш бланкілері ҰБТ ӨП-те арнайы оптикалық маркерлік сканерде (бұдан әрі - сканер) оқылады. Техникалық хатшының қатысуымен өтініш бланкілерін қатаң түрде мектептер бойынша сканерден өткізу қажет.

8)                мектептер бойынша өтініш бланкілерін сканерлеуді аяқтағаннан кейін, өтініш бланкілерін сканерлеу есебі (Е-06 нысан) және бітірушілерді тіркеу туралы анықтама (Е-4-01 нысан) беріледі.  Анықтаманы бітірушілерге беру мектепте жүзеге асырылады.

9)                ережеде белгіленген мерзімде ҰБТ ӨП-те техникалық хатшымен бірге ДБ-ны және тіркеу журналын жабу жүргізіледі;

10)            ДБ жабылғаннан кейін бітірушілердің саны жөнінде мәліметтер телекоммуникациялық желі арқылы ҰТО-ға жіберіледі;

11)            ҰТО-да аудиториялық қорға талдау жасалып, бітірушілерді бөлу үшін аудиториялар ашылады;

12)            ҰБТ ӨП-ке аудиторияны ашуға арналған файл жіберіледі. Осы жіберілген файлдың көмегімен пункттерде бітірушілерді аудиторияларға бөлу автоматты түрде жүргізіледі;

13)            бітірушілерді аудиторияларға бөлу аяқталғаннан кейін техникалық хатшыға рұқсаттама және рұқсаттама түбіртегі беріледі. Мектепте рұқсаттама және рұқсаттама түбіртегін ресімдеу (сурет желімдеу және мектеп мөрін басу) жұмысы жүргізіледі;

14)            бітірушілерге рұқсаттаманы тарату мектептерде іске асырылады, ал дайындалған түбіртектер ҰБТ ӨП жетекшісіне беріледі;

15)            лектер бөлініснде аудиторияларға бөлінген бітірушілердің жалпы саны туралы мәліметтер телекоммуникациялық желі бойынша ҰТО-ға жіберіледі.

19.  Өтініштерді қабылдау және тіркеу

          90. Бітірушілердің тестілеуге қатысу өтініштері өтініштерді тіркеу журналына тіркеледі. Тіркеу журналы бітірушілер санына сәйкес басылып шығарылады. Өтініштерді тіркеу журналы тігіледі және мектептің мөрі қойылады;

91. Тіркеу журналы 9 негізгі бағаннан тұрады. «Тестіленушінің жеке  коды» (бұдан әрі - ТЖК) бағаны бағдарламалық қамтамасыз етумен автоматты түрде толтырылады. Тиісті бағанға бітірушінің аты-жөні енгізілгенде оған автоматты түрде сәйкесті ТЖК беріледі. «ТЖК»-дан басқа бағандар қолмен толтырылады; Тіркеу журналының барлық бағандары толтырылғаннан кейін  бітірушіге өтініш бланкісі беріледі. Өтініш бланкісі қарындашпен толтырылады және техникалық хатшының бақылауында болады.

91-1. Бітіруші техникалық хатшыға 3х4 мөлшерлі фотосурет пен жеке куәлік құжатының көшірмесін өткізеді.

92.                  Өтініш бланкісіндегі кейбір мәліметтерді техникалық хатшы өз қолымен толтырады:

93.                  Жоғарыда көрсетілген деректердің растығына және дұрыс толтырылуына техникалық хатшы тікелей жауап береді. Қалған секторларды (жоғарыда көрсетілгендерден басқа) техникалық хатшының бақылауымен, бітіруші өз қолымен толтырады.