АДАМ БОЛУ ДЕГЕН НЕ?

Адам болу – өмірдің ең ғажап, ең биік сатысы.

Адам болу – өтірік айтпау, шыншыл, мейірімді, адал болу. Сондай-ақ, құлшына еңбек етіп, Отанды, елін сүю, әке-шешені қадірлеп-қошеметтеу, қастерлеп-қошеметтеу, қастерлеп-сыйлау, пір тұту. Ол – достарын, туыстарын құрметтеу, бағалау. Ол – атасы мен әжесіне жақсы істерімен танылған сүйікті немере бола білу.

Жан-жақты, сергек ойлы, сезімтал жүректі, рухты, сәтсідіктерге мойымайтын жігерлі, түзу ниетті, қажымас қайсар, тынымсыз ойлы, қадір-қасиеті жоғары, анық жемісті еңбекке беріліп, халыққа қамқор іс істеп, өсиет болар өнеге қалдыруды, адамшылық танытуды парыз іспетті санаған адамды – үлкен әріппен жазылған нағыз АДАМ деу керек шығар. Мұның бәрінің қалыптасуы тәрбиеге байланысты. Тәрбие деген не? Тәрбие – адамды татулыққа, бірлікке, достыққа, бауырмалдыққа негіздей отырып, мұрат пен жоғары мақсаттың, асқақ арман мен шынайы тілектің, ойлы мүдденің орындалуына бағыттап отыру.

Осы айтылған топтамалардағыны тұжырымдай келіп, адам – құл, ар – патша, адамгершілік білгенге – уәзір деген дұрыс болар.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі