СУЫ СОДАЛЫ, ЕРЕКШЕ МЫСЫҚТЫ КӨЛ

Аумағы 3,7 шаршы шақырымды алып жатқан ағынсыз Ван көлі түркияның шығыс бөлігінде орналасқан. Өте тұзды, құрамындағы сода өте көп мөлшерде. Суы суықтарда қатпайды. Кірді лезде кетіреді.

Көлдің бір кереметі – екі көзінің түсі екі түрлі, бірі көгілдір, екіншісі ашық сары болып келетін мысық мекендейді. Бұл мысық судан қорықпайды. Керісінше, жақсы жүзіп балық аулайды. Қармен ойнағанды ұнатады екен.

КӨБЕЛЕКТЕР АЛҚАБЫ

Түркияның оңтүстік-батысында Фетхие қаласына жақын маңда көбелектер алқабы орналасқан. Мамыр айының соңына қарай жер бетін көбелекпен жамылғы жамылғандай қалыпта болады екен. Көбелектер аңғары қорық болып 1995 жылы құрылыпты.

ҚҰС ӨЗЕНІ

Түркияның Бандырма қаласының маңындағы батпақты өзен аумағында «Құс өзені» табиғи қорығы орналасқан. Еуропадан жылы оңтүстікті бетке алып ұшқан құстар осында қонақтайды. Қарашада, сәуір мен мамырда қорықтан 3 миллионнан астам құс ұшып өтеді екен. Арасында бірқазан, сұқсыр үйрек, суқұзғын, құтан, әупілдек, ләйлек, тырна, тұйғын-қаршыға, тіпті бүркіт те кездеседі екен.

жиған-терген

Бегімхан КЕРІМХАНҰЛЫ

М.Әуезов атындағы ЖОББ мектебінің қазақ тілі мен әдебиеті мұғалімі

Павлодар қаласы

Қазақстан Журналистер Одағының мүшесі