Жүректен – жүрекке (таңдамалы)

О, наурыз – көктем басы,

Суға толды айнала, сай-саласы.

Күн жылуын көбейтіп, нұр шашады,

Күлімдеген көктем пердесін ашады.

 

Наурыз келсе, өзгерер ауа райы,

Қары кетіп, бусанар жердің жайы.

Жылы жел бара-бара қыр асады,

Күні келсе, Ертіс-тағы тасады.

 

Бұл наурызда өзгерер-ау табиғат,

Айналаға шашылар-ау шапағат.

Күні күнге уақыт қосады,

Қара жер жылылықты тосады.

 

Наурыз келсе, түрленер айнала,

Далада күлім қағар үлкен-бала.

Көшеде әрлі-берлі көп жүреді,

Ит-қаншықтар көңілдене үреді.

 

О, наурыз – көктем басы,

Жадырар, жадырасын адам баласы.

Махаббат жүректерде оянады,

Ғашықтар бір-бірінен нәр алады.

 

Жүрекке жүрек жайыменен ашса сыр,

Қызғалдақтай құлпырар-ау ой мен қыр.

Шын сүйгендер сезімдерін білдіре,

Ақ қағазға жаза түсер ән мен жыр.

 

Асыл ойлар ашық аспанда әуелер,

Толқындайын ауық-ауық шабыт келер.

Ертеңгіге зор сеніммен үміттене,

Ынтықтық сәйгүлігі шабар, желер.

 

Дұрыс ниет орнатар-ау патшалық,

Сағыныш жетелер бізді қаншалық?!

Сүйген жанын бір көруге құлшына,

Саған деген махаббатым соншалық!

 

Адал пиғыл жетелеп жүр әуелден,

Адамға адам үйір екен-ау ежелден.

Арман болса шақырады қызғандыра,

Жел еседі Жүрек атты бір елден.

 

Жүрекке жүрек бола түсті ынтызар,

Бір өзіңде – шын ғашықтық, таза ар.

Аймалайын, аялайын еркелете,

Сүйсем сені өне-бойым әсте қызар.

 

Сезімге толы көктемде,

Қар еріп, жылу жеткенде.

Елестейсің бір өзің –

Бар әлі де үміт, төзім.

 

Сыз сезілер жүректе,

Оған сезім керек те.

Көз алдымда ажарың –

Әдемі қос жанарың.

 

Сырға толы жалғанда,

Сағынысып қалғанда.

Күлімдейсің сағымдай –

Бейне ерке ағындай.

 

Жел еседі жайымен,

Күн жылжиды айымен.

Міне-міне сұлу сәнің –

Баурап алар жан-тәнің.

 

Көрінеді қара жер,

Сені сүйер мен бір ер.

Жақындашы, жарқыным –

Таман болшы, алтыным.

 

Берік қой саған деген махаббатым –

Толқын-толқын топан су еш шаймас,

Қатты желде шаңырағы шайқалмас,

Зілзалада бейне үйдей қирап қалмас.

 

Берік қой саған деген ғашықтығым –

Бағыт берер жарқ-жұрқ жанған шамшырақтай,

Дербестенер жауабын тапқан сұрақтай,

Сондай таза мәңгі ағынды бұлақтай.

 

Берік қой саған деген ынтықтығым –

Бір өзіме бұлбұлша ән салады,

Өмір-жалғаннан бар асылды алады,

Сені сүйе мәз-мейрам боп қалады.

 

Берік қой саған деген сезімім –

Шын беріле қуана-қуана жасап қалар,

Шапағатын шаша-шаша сайран салар,

Шырағын бұл жалғанның ептеп жағар.

 

Берік қой саған деген іңкәрлігім –

Сен туралы жүректі ән салатын,

Сағыныштың аясында-ақ қалатын,

Сені сүйе бар рахатты алатын.

 

Білесің бе сен?

Ұшырадың бірден көзіме,

Бердім ерік сырлы сөзіме,

Сүйемін деп сені жатпай-тұрмай

ант етемін өз-өзіме.

 

Білесің бе сен?

Бір көргеннен сүю бар екен,

Жүректегі сыры терең, ауқымы кең.

Енді жаһанды жүз айналсам да

бір өзіндей табылмас тең.

Күдіктенбе, осыма сен.

 

Білесің бе сен?

Көңіл-күйім алаң-елең,

Бейнең – елес, сезімім – өлең.

Бар болмысым тәулік бойы

Сені ғана аңсайды кілең,

Мен тілеймін осыны, сен де тілең.

 

Күн нұрындай шуақты,

Ай мен Күндей тұрақты,

Шын құдірет – Махаббат.