МАМАНДЫҚ ТАҢДАУ

Мамандықты дұрыс таңдау – ол өмір жолының сәттілігінің негізі.

Э.Ф.Зеер

Өмірге адам болып келгеннен кейін әр адам бай, бақытты, Жаратқаннан басқа ешкімге мұқтаж болмай, тыныш өмір сүргісі келеді. Бірақ бұл жетістік адам баласына оңай жолмен келмейді. Осы мақсатқа апаратын негізгі себептердің бірі – МАМАНДЫҚ ТАҢДАУ. Мамандық таңдау – өмірді таңдау, бұлай дейтін себебіміз:

СЕНІҢ БОЛАШАҚТА ТҰРҒЫҢ КЕЛЕТІН ҮЙІҢ

ЖҰМЫС ІСТЕЙТІН ОРНЫҢ

КИЕТІН КИІМІҢ

АРАЛАСАТЫН АДАМДАРЫҢ

Ішетін тамағың – бәрі-бәрі сенің мамандығыңды қаншалықты дұрыс таңдауыңа тікелей байланысты. Сол үшін өмірде екі нәрседен қателеспеу керек: біріншісі – мамандық, екіншісі – жар таңдау. Енді ешкім мектеп бітіре салып, үйленейін деп жатпаған шығар. Бұл екеуінен қателссең, өмірің тек өкінішпен өтеді. Армандарың тек қиялға айналады.

ПРОБЛЕМА

Оқушылардың мамандық таңдауда жіберетін қателіктері

Айналамызға дұрыстап назар аударайықшы. Ата-анамызға, аға-әпкелерімізге, туыстарымызға, көршілерге назар салып қарайтын болсақ, 80%-дан астамы өз мамандықтары бойынша жұмыс жасамайды. HeadHunter.kz жүргізген зерттеуге сәйкес университет түлектерінің 50%-дан астамы өз мамандықтары бойынша жұмыс істемейді. Бәрінің дипломдары бар, кейбіреуі қызылға бітірген, кейбіреуінің үш дипломы бар. Ол аздай, мақтанып қояды, бірақ диплом бойынша жұмыс істемейді. Неге? Сенбесеңіздер, базарға барып, сатушылардан сұрап көрсеңіздер, біреуі дәрігер, біреуі заңгер, мұғалім, экономист болып шығады. Бірақ табысын базардағы шағын бизнестен тауып жүр. Неге олар сатушы болып тұр? Бәріміз таксиге мінеміз, жүргізушіден ммандығын сұрасаң, тура базардағыдай болып шығады. «Таксист» деген мамандықтың жоқтығын бәріміз білеміз! Еліміз бойынша екінің бірі өз мамандығы бойынша жұмыс істемейді. Себебі олар мамандық таңдауда қателік жіберген.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі