74-ҚАДАМ: ӨМІР БОЙЫ ОҚЫП ӨТІҢІЗ және МЕМЛЕКЕТКЕ ПАЙДА ТИГІЗІҢІЗ

Оқу деген адамды тек алдыға жетелейтін басты күш қой. Себебі адам көп оқыған сайын рухани дүниесі жаңғырып, өзінің нені қалайтынын білетін болады. Адам көп кітап оқыған сайын шығармашылық қабілеті артып, білімі толысып, сапалы тұлға болып қалыптасады. Елде сапалы адамдардың саны артқан сайын ол мемлекеттің дамуы қарыштап, мемлекеттің барлық жағынан да дамуы орын алады. Экономика болсын, білім саласы, медицина саласы т.б. қарыштап дамып, мемлекеттің әлемдегі дамыған мемлекеттердің қатарына қосылуға мүмкіншілігі артады.

Қазір әлемдегі ең жоғарғы деңгейде дамыған мемлекеттерді алып қарасақ, олардың білім-ғылым саласы өте жақсы деңгейде дамыған. Олар АҚШ, Германия, Ұлыбритания, Жапония сияқты экономикасы жоғары деңгейде дамыған мемлекеттердің білім саласына қарайтын болсақ, білім-ғылымы өте жоғары деңгейде дамыған. Бұл мемлекеттер білім-ғылымның арқасында технологиясы жоғары деңгейде дамып, елде бизнестің жоғары деңгейде дамуының арқасында экономикасы жоғары әлемдік деңгейге көтерілді.

Осы мемлекеттер сияқты біз де білім-ғылымы дамыған, экономикасы жоғары деңгейде дамыған мемлекет болуымыз үшін әрқайсымыз заманауи білімдерді игеріп, оны одан әрі дамытуға әрқайсымыз өз үлесімізді қосқанда, біздің ел де жоғары деңгейлі әлемдегі мемлекеттердің қатарына қосылады. Бүгіннен бастап әрқайсымыз өзімізден бастап, заманауи білімімізді толықтырып, оны іске асыруымыз қажет.

Жалпы, адам өмір бойы оқып өтеді. Сол оқыған білімдерін арықарай дамытып, қоғамға пайдасын бере алатындай болғанда, ол мемлекет даму жолына түсетіні анық. Сондықтан әр адам өзінен бастап, заманауи білімін арттырып, оны кәсібіне немесе істеп жатқан жұмысына қолданатын болса, оның өзі де, мемлекеті де үлкен табысқа жететіні анық.

Кітап адамзаттың бақыт пен болашақтың құдіретіне апарар жолдағы жасаған барлық кереметтерінің ішіндегі анағұрлым күрделі де ұлы керемет болуы мүмкін.

М.Горький

Цивилизацияның жалпы көрінісіндегі әрбір халықтың орны оның оқыған кітаптырының санымен анықталады.

Э.Лабуле    

Бегімхан КЕРІМХАНҰЛЫ

М.Әуезов атындағы ЖОББ мектебінің қазақ тілі мен әдебиеті мұғалімі

Павлодар қаласы

Қазақстан Журналистер Одағының мүшесі