Егеменді ел болуды аңсаған,

Аңсағанын іс жүзінде жасаған,

Ғаламатта толған айдай ол туған,

Біздің қолдау – Нұрсұлтандай Президент!

 

Қазақстанды ғаламшарға танытқан,

Оң мен солын жан-жағынан дамытқан,

Мінбелерде қазақ тілін ағытқан,

Біздің қолдау – Нұрсұлтандай Президент!

 

Ата Заңға қолын қойып ант еткен,

Адалынан қызмет етуге серт еткен,

Болашаққа үлкен сенім білдірген,

Біздің қолдау – Нұрсұлтандай Президент!

 

«2030» Барысстанды паш еткен,

Ел дамыту даңғылына қолы жеткен,

Беделі де құбылаға алыс кеткен,

Біздің қолдау – Нұрсұлтандай Президент!

 

«Әкім жолы – халық жолы» бұрыннан,

Жетісу, Арқа, Тарбағатай, Нарыннан,

Әкімдер де іске ерен қыр-қырынан,

Біздің қолдау – Нұрсұлтандай Президент!

 

Ою-өрнекті елдік ділін құрайтын,

Көршілерге Қыран құстай қарайтын,

Тұлғасынан Күннің Нұры тарайтын,

Біздің қолдау – Нұрсұлтандай Президент!

 

Ел ертеңі Елбасының қолында,

Елбасы да елді ойлау жолында,

Қатар ұстар оңы менен солын да,

Біздің қолдау – Нұрсұлтандай Президент!