| ақпан айының 18-інде Потанин жалпы орта білім беретін мектебінде аудандық семинар өткізілді. Оған біздің мектептен ағылшын тілі мұғалімі Қапанова Г.Ж., орыс тілі мұғалімі Түсіпова С.Н., тарих мұғалімі Оспанова М.Ж., бастауыш сынып мұғалімі Омарова Н.С. қатысты. Гүлнар Жұмаханқызының айтуынша, атаулы шара жоғары деңгейде ұйымдастырылыпты. Потанин мектебінің мұғалімдері бірнеше ашық сабақтар көрсетіпті. Аудан мұғалімдері өзара тест тапсырмаларымен жай алмасып қана қоймай, дайындық үдерісінде кездесетін қиындықтар төңірегінде де пікір алысыпты. Бір сөзбен айтқанда, бұл семинар жақындап келе жатқан МАБ сынына қомақты дайындық есебінде болды.
|
