БАТА-ТІЛЕКТЕР

Халық бата-тілегі

Ел-жұртыңның гүлі бол,

Шам-шырағы, нұры бол,

Көп жасай бер, қарағым,

Болашақта ірі бол,

Ірілердің пірі бол!

Батырлардай санды бол,

Сал-серідей сәнді бол,

Бақ-дәулетті, малды бол,

Өз құрбыңның алды бол!

Көзімнің нұры бол,

Көңілімнің жыры бол,

Бақ құшып,

Бал жұтып,

Бабырдай ұлы бол!

Балдай бала бол,

Нардай даа бол,

Таудай талантты,

Фарабидей дана бол!

Майқыдай сыйлы бол,

Қорқыттай күйлі бол,

Асандай ақылды,

Бұқардай жырлы бол!

Аллауакбар!

* * *

Өмір берсең, жайлы қып бер,

Дәулет берсең, сайлы қып бер,

Бау берсең, миуалы қып бер,

Келін берсең, ибалы қып бер!

Қара ниет батырдан сақта,

Көк долы қатыннан сақта,

Кеудесін керген келіннен сақта,

Кездейсоқ келген өлімнен сақта!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі