БАТА-ТІЛЕКТЕР

Халық бата-тілегі

Әумин десең, міне, бата,

Қолдасын Қызыр ата!

Қыдырың қияласын,

Періште ұяласын!

Ел шеті жаусыз болсын,

Ел іші даусыз болсын!

Өрісің көкті болсын,

Қонысың құтты болсын!

Алақаның берекелі болсын,

Жүрген жерің мерекелі болсын!

Артқаның түйе болсын,

Сауғаның бие болсын!

Кергенің көген болсын,

Айтқаның өлең болсын!

Кигенің құлпы болсын,

Мінгенің жылқы болсын!

Ырысың тасып тұрсын,

Абыройың асып тұрсын!

Достарың басып жүрсін,

Дұшпаның сасып жұ\үрсін!

Өркенді болыңдар,

Өмірлі болыңдар!

Өмір бақи осындай

Көңілді болыңдар!

* * *

Жортқанда, балам, жолың болсын,

Қалтаң ділдәға толсын!

Бір толмасын, жылда толсын,

Өмір-жаың ұзақ болсын!

Қатарыңнан озған ерен бол,

Қыз көзіндей терең бол!

Сынай қалса – құлақ сал,

Мақтай қалса – керең бол!

Әумин!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі