БАТА-ТІЛЕКТЕР

Халық бата-тілегі

Алтыннан болсын жағаң,

Күмістен болсын тағаң.

Тасқа тары өнгенше,

Таршылық көрмеңдер!

Мұзға бидай өнгенше,

Мұңшылық көрмеңдер!

Жүздерің жайнап,

Келісті болыңдар!

Толған айдай

Өрісті болыңдар!

* * *

Қатарларыңнан озыңдар,

Қоздаған шоқтай қозыңдар!

Ең алдымен,

Берекешіл болыңдар!

Көпке бірдей

Елшіл болыңдар!

Көкорайдай желкілдеп,

Желпілдеп тұрыңдар!

Сексенге келіп,

Селкілдеп тұрыңдар!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі