Құдағи (әйел) – құдалардың бәйбішелері (әйелдері),  яғни қыз бен жігіттің әке-шешелері немесе құда жағының әйелдері құдағи деп аталады. Құдасына келгенде бұларға сыйлы кісілер ретінде құрмет көрсетілуі тиіс. «Шешесін көріп қызын ал, аяғын көріп асын іш» дегендей келін анасына қарап бағаланады. Бас қосуда немесе жол-жора кезінде жол құдағиға тиеді. Құдағи басқа қонақтардан жоғары отырады.

• Құдағи сыйымен жарасады,

Қуырдақ майымен жарасады.

• Құдаң құрдасындай болсын,

Құдағиың сырласындай болсын.

әзірлеген

Бегімхан КЕРІМХАНҰЛЫ

М.Әуезов атындағы ЖОББ мектептің қазақ тілі мен әдебиеті мұғалімі

Павлодар қаласы

Қазақстан Журналистер Одағының мүшесі