| мектеп өмірінде көңілге қонымды, еңсені көтеретіндей бірқыдыру жайттар орын алды. Бүтінді бөлшектегенде, дүйсенбіде өткен сапжиында ақпанның 10-11 аралығында облыс орталығы Павлодарда өткен спартакиадада қысқы көпсайыстан және дойбыдан аудан құрамасы қатарында жарысқа түскен 7 қазақ сынып оқушысы Шаймұрат Айбарыстың шаңғыдан жүлделі 3-орын, ал 9 қазақ сынып оқушысы Төкенов Айсұлтанның дойбыдан жүлделі 2-орын жеңіп алғаны һәм күміс-қола алқа менен дипломмен марапатталғанына қуансақ, сол күні аға тәлімгер Ахметов Қ.А. аудан орталығы Аққуда болған жасұландар форумына апарған бес оқушының ішінен 11 қазақ сынып оқушысы Жүнісова Әлия ән шырқағаны үшін көрермендер көзайымы грамотасымен марапатталды, ол аз десеңіздер 16 ақпанда Лебяжі ЖОББ мектебінде қоғамдық-гуманитарлық пәндер бойынша мұғалімдер арасында өткен олимпиадада ағылшын тілінен Баева Ф.Т., қазақ тілі мен әдебиетінен Молдабаева Н.С. жүлделі үшінші орынды қанжығаларына байлап келді, ал мектептегі компьютер дәрісханасында өткен жаратылыстану-математикалық пәндер бойынша физикадан Берден Ш. және Абылғазинова Г.Қ., географиядан Елеусізова Н.М., биологиядан Сейсембеков С.Н. қашықтық олимпиадаға қатысты. Нәтижелері әзір белгісіз. Сонымен бірге 15 ақпанда мектебімізге Лебяжі АББ маманы Сағындықова Р.А. келді, 11 қазақ сынып оқушылары, пән мұғалімдері, ата-аналары қатысқан ҰБТ-2012 бойынша болған жиналысқа қатысты. Осындай қызыққа әм жұмысқа толы апта өтті.
|
