СӨЙЛЕУ СӘТІНДЕГІ ІС-ӘРЕКЕТТІҢ КӨПШІЛІККЕ ӘСЕРІ

Сөйлеу кезінде тыңдаушыға ойды дәлелді, нақты жеткізу дұрыс қолданылған ым-ишара, іс-қимыл арқылы жүзеге асады. Бет-бейне құбылыстары мен ішкі сезімдерді дене қимылы арқылы сауатты жеткізе білетін адам тыңдаушыларды жалықтырмайды.

Айталық:

• Адамды баурап алу – сөздің мағынасына сәйкес жарасымды әрекеттер арқылы тыңдаушыға әсер ету;
• Қолды ретімен сермеу, бас шұлғу-шайқау, қол бұлғау әрекеттері мөлшерімен қолданылса, сөзіңіз жандана түседі;
• Сөзіңізді бастағаннан кейін, айдаладағы бір нүктеге қадалмай, аудиториядағы адамдардың көздеріне қарап, көзді ойнатып, реті келсе сөзіңді қостайтындай қимыл жасау – сіздегі кәсібилікті аңғартады;
• Сөз арасында «бірінші, екінші» деп санамалап жеткізетін ақпарат болса, бармақтарыңызды бүгу немесе ашу арқылы сөйлем мағынасын түсіндіре аласыз;
• Сондай-ақ сөзге көңіл-күй қосу үшін қасты керу, қабақты түю, басты қимылдату, көзді бақырайту сияқты әрекеттермен аудиторияны үйіре аласыз.

баспаға әзірлеген

Бегімхан Ибрагим (КЕРІМХАНҰЛЫ)

Ақсу қаласының Абай атындағы №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі