ШӨМІШ ҚАҒУ

Сәуір айында, әлбетте, күн жыли бастайды. Сол кезде күн күркіреп, көкте найзағай жарқыл салады. Мұндайда ел-жұрт еңсе көтеріп, жадырай серпілісіп: «Күн күркіреді, көк дүркіреді», - десіп жатады.

Осыған орай жасалатын ырымды «шөміш қағу» деп атаған. Үйдің босағасына, маңдайшасына, табалдырығына шөмішті тигізіп:

• Құдайым, жарылқа,

Береке мол болсын,

Ынтымақ артсын,

Адалдық болсын,

Амандық болсын,

Ырызық көп болсын,

Уайым жоқ болсын.

десіп игі тілекпен тірлікке тәу еткен.

Халық жылдың әр мезгілінің ерекшелігін, қадір-қасиетін, бомысын даналықпен байыптай да, бағалай да білген. Оның тәрбиелік, тағылымдық жағына өте мән беріп, ұдайы ол дәстүрді осылай еске алатын болған.