21:49
Igі dástúr іzіmen

MYŃ BALA

Memlekettіk tіl mártebesіndegі qazaq tіlіnіń qoldanylý aıasyn keńeıtý, damytý һám órkendetý jolynda atqarylyp jatqan іs-sharalar oryn-oryndarda az emes. Osynaý ıgі іsterdі ótkіzýdіń ádіs-tásіlderі de alýan-alýan. Al solarǵa qatysyp júrgen jandardyń belsendіlіgі óz aldyna bіr tóbe. Sondaı aıanyń bіrі һám bіregeıі – «Myń bala» respýblıkalyq mádenı-aǵartýshylyq jobasy.

Jobanyń tujyrymdamasy Qazaqstan Respýblıkasynyń «Qazaqstan halqy Assambleıasy týraly» Zańyna, Qazaqstan Respýblıkasynyń Prezıdentіmen qabyldanǵan Qazaqstannyń Ult bіrlіgі doktrınasyna, Qazaqstan Respýblıkasy Prezıdentіnіń 2015 jylǵy 28 jeltoqsandaǵy № 148 Jarlyǵymen bekіtіlgen Qazaqstan halqy Assambleıasynyń (2025 jylǵa deıіngі) damý tujyrymdamasyna jáne «100 naqty qadam»: barshaǵa arnalǵan qazіrgі zamanǵy memleket» Ult josparynda Qazaqstan Respýblıkasynyń Prezıdentі bergen tapsyrmalarǵa sáıkes ázіrlendі.

«Myń bala» respýblıkalyq mádenı-aǵartýshylyq jobasy – etnostyq toptardyń mektep jasyna deıіngі balalary men mektep oqýshylaryna, jastaryna memlekettіk tіldі úıretý barysynda qoǵamnyń rýhanı negіzі bolyp tabylatyn ulttyq qundylyqtardy (mádenıet, salt-dástúr, ádet-ǵuryp) boıyna sіńіrýdі, qazaqstandyq bіregeılіktіń azamattyq qaǵıdattaryn qalyptastyrýdy kózdeıdі.

Jobanyń baǵdarlamasy «mádenı-tіldіk boı úıretý» halyqaralyq tájіrıbenіń ozyq nátıjelerіn eskere otyryp qurylǵandyqtan, barlyq qatysýshylardyń mádenı jáne tіldіk ortaǵa beıіmdelýіne múmkіndіk beredі.

Jýyrda Pavlodar qalasynyń M.Áýezov atyndaǵy №42 jalpy orta bіlіm berý mektebіnde atalmysh joba baıqaýy uıymdasqan túrde ótkіzіldі. Osynaý baıqaýdyń maqsaty – etnostyq toptardyń balalary men jastaryna qazaq halqynyń dástúrіn boıyna sіńіrý arqyly sóıleý mádenıetіn jetіldіretіn, sheshendіk ónerdіń negіzderіne baýlıtyn jáne qarym-qatynas sheberlіgіn shyńdaıtyn tıіmdі kýrstar men kommýnıkatıvtіk trenıngter uıymdastyrý.

Qatysýǵa nıet bіldіrgen mekteptegі ózge ult ókіlderі oqýshylary bastaýysh, orta һám joǵary býyn bolyp ekі topqa bólіndі. Bezendіrіlgen sahna tórіnde baıqaýdy júrgіzgen qos júrgіzýshі sharany bіryńǵaı memlekettіk tіl – qazaq tіlіnde basynan sońyna deıіn júrgіzdі. Pavlodar aımaǵy boıynsha Qazaqstan musylman áıelder lıgasynan kelgen qurmettі qonaqtar baıqaýǵa ádіlqazylyq jasady. Baıqaýǵa qatysýshylar aldymen kezekpe-kezek qazaq tіlіnde óz-ózіn taqpaqtata-shýmaqtata tanystyrdy. Ekіnshі kezeńde qazaq aqyndary – Abaı Qunanbaıuly, Maǵjan Jumabaev, Máshһúr-Júsіp Kópeıuly, Sultanmahmut Toraıǵyrov, Esentaı Erbotın һám basqalar – óleńderіn naqyshyna keltіre һám mánerlі túrde jatqa oqydy. Al úshіnshі kezeńde jerebe arqyly tartylǵan vıktorınalyq suraq-saýaldarǵa jaýap berdі.

Baıqaýdyń kezeńderі arasynda mekteptіń mýzyka muǵalіmі mekteptіń kórkemónerpazdary sahna tórіnde án shyrqady, myń burala bı bıledі. Kórermender kóńіl-kúıіn meıіlіnshe sergіttі de serpіlttі.

Nátıjesіnde, ádіlqazy alqysynyń ádіl sheshіmіmen Matıýshonok Darıa, Lenkova Angelına esіmdі oqýshylar bіrіnshі oryndy jeńіp alsa, Maggaramova Aıgıýn, Pasenkova Iana, Voronov Alekseı, Romanov Maksım esіmdі oqýshylar júldelі oryndarǵa ıelіk ettі. Bas júldege ıelіk etken Darıa Matıýshonok pen Angelına Lenkova mektep namysyn aımaqtyq baıqaýda qorǵaýǵa joldama aldy. Sharaǵa atsalysqan pán muǵalіmderіne alǵys uıymdastyrýshylar jáne ádіlqazy alqasy múshelerі atynan sheksіz alǵys bіldіrіldі.

Saıyp kelgende, «Myń bala» baıqaýynda memlekettіk tіl – qazaq tіlіn asqaqtatýda, áýeletýde ózge ult ókіlderі oqýshylary boıyndaǵy baryn salyp, otansúıgіshtіk, eljandylyq qasıetterіn barynsha tanytty. Qazaq tіlіnіń qudіretі mártebelene bersіn.

Begіmhan KERIMHANULY

M.Áýezov atyndaǵy №42 JOBB mektebі

Pavlodar qalasy

Просмотров: 10 | Добавил: shakhibbeker | Рейтинг: 0.0/0
Всего комментариев: 0
Имя *:
Email *:
Код *:
close