БАТА-ТІЛЕКТЕР

Халық бата-тілегі

Ер-азаматқа бата

Жазықсыз жаладан сақтасын,

Арқаңа ауыр жүк батпасын.

Сөйлесең шешуші сәттерде,

Сөзіңе ағайын тоқтасын.

Еңбегің еленсін әрдайым,

Арайлап жайнай бер таңдайын.

Ер болып туған соң анадан,

Ойлай жүр халықтың жағдайын.

Қиын бір сәттерде жасыма,

Бар болсаң мақтанып тасыма.

Үрей боп көрініп қасыңа,

Шуақ боп төгілсін досыңа.

Анаңды аялап ардақта,

Атаңды құрметтеп салмақта.

Адал бол, әйтеуір түзу жүр,

Жағымсыз жағдаймен жан бақпа!

Әумин»

* * *

Мерейтой батасы

Той дастарқаны мол болсын,

Берекелі қол болсын,

Тойға келген қонақтың,

Бәріне сәтті жол болсын.

Тілектерің оң болсын,

Жұқармайтын қоң болсын,

Екеуіңнің кигенің,

Алтын жағалы тон болсын.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі