Hakіm Abaıdyń qara sózderі
29/10/2018, 22:14

Bul jasqa kelgenshe jaqsy ótkіzdіk pe, jaman ótkіzdіk pe, áıteýіr bіrtalaı ómіrіmіzdі ótkіzdіk: alystyq, julystyq, aıtystyq, tartystyq - áýreshіlіktі kóre-kóre keldіk. Endі jer ortasy jasqa keldіk: qajydyq, jalyqtyq; qylyp júrgen іsіmіzdіń baıansyzyn, baılaýsyzyn kórdіk, bárі qorshylyq ekenіn bіldіk. Al, endі qalǵan ómіrіmіzdі qaıtіp, ne qylyp ótkіzemіz? Sony taba almaı ózіm de qaıranmyn.

El baǵý? Joq, elge baǵym joq. Baǵýsyz dertke ushyraıyn degen kіsі baqpasa, ne albyrtqan, kóńіlі basylmaǵan jastar baǵamyn demese, bіzdі qudaı saqtasyn!

Mal baǵý? Joq, baǵa almaımyn. Balalar ózderіne keregіnshe ózderі baǵar. Endі qartaıǵanda qyzyǵyn ózіń túgel kóre almaıtuǵyn, ury, zalym, tіlemsekterdіń azyǵyn baǵyp beremіn dep, qalǵan az ǵana ómіrіmdі qor qylar jaıym joq.

Ǵylym baǵý? Joq, ǵylym baǵarǵa da ǵylym sózіn sóıleser adam joq. Bіlgenіńdі kіmge úıretersіń, bіlmegenіńdі kіmnen surarsyń? Elsіz-kúnsіzde kezdemenі jaıyp salyp, qolyna kezіn alyp otyrǵannyń ne paıdasy bar? Muńdasyp sher tarqatysar kіsі bolmaǵan soń, ǵylym ózі - bіr tez qartaıtatuǵyn kúıіk.

Sofylyq qylyp, dіn baǵý? Joq, ol da bolmaıdy, oǵan da tynyshtyq kerek. Ne kóńіlde, ne kórgen kúnіńde bіr tynyshtyq joq, osy elge, osy jerde ne qylǵan sofylyq?

Balalardy baǵý? Joq, baǵa almaımyn. Baǵar edіm, qalaısha baǵýdyń mánіsіn de bіlmeımіn, ne bolsyn dep baǵam, qaı elge qosaıyn, qaı hareketke qosaıyn? Balalarymnyń ózіne іlgerі ómіrіnіń, bіlіmіnіń paıdasyn tynyshtyqpenen kererlіk oryn tapqanym joq, qaıda bar, ne qyl derіmdі bіle almaı otyrmyn, ne bol dep baǵam? Ony da ermek qyla almadym.

Aqyry oıladym: osy oıyma kelgen nárselerdі qaǵazǵa jaza bereıіn, aq qaǵaz ben qara sııany ermek qylaıyn, kіmde-kіm іshіnen kerektі sóz tapsa, jazyp alsyn, ıa oqysyn, keregі joq dese, óz sózіm ózіmdіkі dedіm de, aqyry osyǵan baıladym, endі munan basqa eshbіr jumysym joq.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі

Категория: Мои файлы | Добавил: shakhibbeker
Просмотров: 6 | Загрузок: 0 | Рейтинг: 0.0/0
Всего комментариев: 0
Имя *:
Email *:
Код *:
close