Жеке атаулар мен іліктік сөздер

Шал (ер) – жасы жеткен, қартайған ер адамның жалпы атауы. Мұндай кісілерді ақсақал, үлкен кісі, қарт деп атаған жөн. Шал деу әдепке жатпайды, бірақ біреуді көтермелеп сөйлегенде «ой, шалың-ай!», «шалдың баласы ғой!» деуіне ешкім ренжімейді, қомашаулық жасамайды.

• Шалдың сөзі – шалғыш.
• Ауылыңда қарт болса жазып қойған хатпен тең,

Үй сыртында төбе болса – ерттеп қойған атпен тең.

• Отыз ұлым болғаныңа – опырық шалым болсын.

Кемпір (әйел) – жасы жеткен, қартайған ана деген сөз. Жұрт әже, ана деп ардақтайды. Кемпір деп атауға болмайды, бұл ол кісілер үшін ауыр сөз әрі әбестік болып саналады.

• Бір кемпірді бір кемпір келіншек дейді.
• Пері білмегенді кәрі біледі.

әзірлеген

Бегімхан КЕРІМХАНҰЛЫ

М.Әуезов атындағы ЖОББ мектептің қазақ тілі мен әдебиеті мұғалімі

Павлодар қаласы

Қазақстан Журналистер Одағының мүшесі