ЖАТАРДА ОҚЫЛАТЫН ДҰҒАЛАР

Жатарда Пайғамбарымыз (с.а.у.) бірқатар Құран аяттары мен дұғаларды оқыған. Солардың кез келгенін ұйықтар алдында оқыған пайдалы. Мысалы, «Аятүл күрсіні». Сондай-ақ «Ықылас», «Фалақ», «Нас» сүрелерін оқып, барлық денеңізді алақанмен сипау – Пайғамбар сүннеті. Немесе 3 рет «Субханаллаһ», 33 рет «Әлхамдулиллаһ», 34 рет «Аллаһу әкбар» зікірлерін айтуға болады.

Пайғамбарымыздан риуаят етілген «Рызығымды нәсіп еткен, паналайтын орын берген, ішкізіп, жегізген Аллаға мадақ. Маған ең керемет түрде жақсылығын мол етіп тарту еткен Аллаға мадақ. Барлық хәлімде Аллаға шүкір етіп, мадақ айтамын. Аллам барлық жаратылыстың Раббы әрі Иесі. Барлық нәрсе Оған тиесілі. Уа, Аллам, өзіңмен тозақ отынан сақтанамын» дұғасын оқыған дұрыс. Оң жақ қырыңмен жату – сүннет.